Shillong: NPP aro BJP ong·gija bakrime sorkariko rikna chol ra·na a·jolni party-rangchi dilgipa a·tipona re·bapilchina HSPDP-ni sakgni MLA-rang-Shakliar Warjri aro Mathodius Gipinrangni gisepo HITO, Ka Sur U Paidbah ka Bri U Hynniewtrep (KSUP7T), Hynniewtrep National Youth Movement (HNYM), Saiñdur Tipkur-tipkha Ïeng Ehrngiew Hynñiewtrep (STIEH)-ni dikgiparangni dongpaani baksa mijal Sonibar salo Motphran-o HYC-ni chanchidilgipa meetingo chanchiangaha.
Meeting-o aganao ua sakgni HSPDP MLA-rangna uamang Sombar salona somai ong·enga somai on·a gita uamang re·bapiljaode maiba dal·a ja·kuko de·na gita nanggen ine HYC vice president Donbok Kharlyngdoh aganaha.
“2019 December-o ILP-na jingjengatmitingo uamang maiko dakahachim ua gita Raj Bhawan-o CM aro gitalgipa Cabinet Minister-rangni ku·mikchetani salo chinga tom·dakgen. Chinga HSPDP-ni sakgni MLA-rangko uamangni ku·mikchetaona re·angna on·jawa,” Kharlyngdoh aganaha.
Uamang maiba dal·a ja·kurangko de·na nangoba uamangni Raj Bhavan-o napako garioniko uamangko saldrakna chinga maming jajaani dongjawa, ua aganaha.
Ua sakgni HSPDP MLA-rangni noko uamang dharna-ko ong·atgen aro a·jolni dolrangchi skotong ong·enggipa bakrimgipa dol baksa bakrimchina uamangko sakgniko mol·molchina uamang uamangni nokdangni manderangko didigen, HYC vice president aganaha.
A·bachengaon HYC, KSUP7T aro HNYM-ni bang·a pressure group-rang along with the residents of Mawthadraishan aro Mawshynrut-ni manderang baksa sakgni MLA-rangni noko dharna-ko ong·atna tik ka·aha.
Batanggimin MDA-ni bilsi bonga somaio tik ong·gijani aro cha·bok-rusianirangko nikaha uarangko champengna NPP-chi ong·gijagipa sorkariko songna nangnike neng·nikaniko man·gipa jinmana aganao dolrangni dilgipa aganaha.
