SHILLONG: Meghalaya a·doko donggipa North Eastern Indira Gandhi Regional Institute of Health & Medical Sciences (NEIGRIHMS)-ni chang 13-gipa Annual Day-ko Sonibar salo maniangaha aro ia salko manianio, Cardio-Thoracic Sciences Centre-ni Chief aro New Delhi-o donggipa Cardiology Department-ni Head, Prof (Dr) Balram Bhargava, mongsonggipa sokgipa ong·e bakko ra·angaha.
Ia tom·anio Prof Bhargava, jinmana aganprakengon, Samvedana (Empathy), Samvad (Communication) aro Sparsh (Clinical Touch)-ni mongsonggipa ong·ani bidingo talate on·angaha.
Ia tom·anio dongpae jinmana aganprakanggipa gipin manderangara, NEIGRIHMS-ni Director Prof (Dr) Nalin Mehta, NEIGRIHMS-ni Registrar Prof Animesh Mishra aro gipinrang ong·a.
Ia salko manianio 2017 batch-ni MBBS chatro chatrirangna, MD/MS Post Graduate Resident-rangna aro M.Sc Nursing chatrirangna Prof Bhargava-ni jakchi course matchotani certificate-rangkoba on·angaha.
Ja·mano salgro salaram a·dokrango donggipa dingtang dingtang jatrangni cultural program-ko ong·ate NEIGRIHMS-ni chang 13-gipa Annual Day manianiko matchotataha.