SHILLONG: Da·o dipet Indian National Congress (INC), Trinamool Congress (TMC) aro Voice of the People’s Party (VPP) dolrang bakrime Opposition dolko songkujaengani gimin Leader of Opposition (LO) ba Opposition dolko dilgipa mande dongkujaenga.
Sorkari official-rangni u·iatani gitade, Opposition dolni dilgipako songna gita Congress, TMC aro VPP dolrang, bakrime Opposition dolko songchengna nangengachim.
Ia chang Assembly election-o Congress seat dam 5, TMC-ba dam 5 aro VPP seat dam 4-kosan cheaiahani gimin ia dolgittamonin Opposition dolko dilna gita a·kangna bil dongkujaengachim.
“Opposition dolni dilgipako a·kangna gita komibeoba sak 10 MLA-rangni bakrimaniko nanggen indiba uamang Speaker-na sedoatenba, sak 10 MLA-rangni bakrimani sakkiko mesokna nanggen,” ine sorkari official parakataha.
Indake ong·genchimoba, Congress, TMC aro VPP dolgittaman, bakrimgija doltangtang ong·e dongaigenchimode Opposition dolko dilgipa dongjawa ine sorkari official parakataha.
