SHILLONG: Opposition MLA, Saleng Sangma, ‘political dolrangko election-na skangde dolsa dolgipinni kosako matnangrike, a·dokni manderangko togia indiba election matchotaode apsan ong·e a·dokko sason ka·skaa, ine matnangaha.
‘Election-na skande, gimik political dolrangan dolsa dolgipinko matnangrika indiba poll ja·mande uamang apsan ong·e sorkariko rikaha ine Saleng Sangma aganaha.
“BJP-rang Christian-rangko so·otenga aro gilja nokrangko chadrapa ine agantokaha, indiba da·ode gimikan BJP-ko nangniktoka ine nikna man·skaenga, uni gimin darang party-ni gimin ong·gija agana nangja. BJP-ni sakgni MLA-rangsan dongachim, unomitingo BJP-ni kosako agantokaha, indiba BJP -ko gale darangba sorkariko riknan man·ja. A·dokni manderangko maina togina nanga, ine Saleng aganaha.
Saleng-ni aganani gita, jemangan BJP-ko namniktokja aro BJP, Christian-rangko so·otgipa ine ingiparangan da·ode BJP-ko nangskaha.
“BJP-ko nangnikja ong·ode, BJP baksa bakrime sorkariko riknan nangja. BJP-ko nangnika ong·ode a·dokni manderangko togigija BJP-na puonbo ine aganna nanga, BJP-sa development-ko ra·bagen ine manderangna agana nanga.”
Election-na skang dolsa dolgipinko matnanggrikani gimin namnikgijako parakate, Saleng, ‘changgipin election-ode manderang jolan BJP-nasa puontokbo, maina Meghalaya-o darangba BJP-ko gale sorkariko rikna amja’ ine aganataha.
“BJP-ko namnikja aro chingna BJP-ko nangja ine aganna nangja, iasan ong·aija je party ba dol ong·china, darangkoba nangnikja ine aganna nangja ine Saleng aganaha.
Uandake Saleng, sorkari dilgipa dolrangko a·dokni aro songsalni namgnina kam ka·china didiangaha.
Election-o political dolrangni dolsa dolgipinni kosako agananina Saleng matnanga
Date:
Share post:
