AMPATI: South West Garo Hills a·jao chadamberangni so·ote siani aro bilsi sokgija an·o donganirang batrorobaengani gimin iandakgipa kamrangko komiatna gita Sombar salo, dingtang dingtang mondolini dilgiparang, a·jani officer-rang, police-rang aro medical-o kam ka·enggipa manderang Ampati-o tom·aniko ong·atangenba, apsan chanchirimangaha.
Ia chanchirimani program-ko National Health Mission-ni ning·o District Health Society, Ampati-ni Chengkompara-o donggipa AFHC-cum-multi facility centre-o ong·atangaha.
Ia program-ko ong·atanio South West Garo Hills a·jani Deputy Commissioner in-charge AVD Shira, tom·anio bak ra·giparangna aganprakengon, ma·a paarang aro songsalo songdongenggipa manderang ong·e, chadamberangni iandakgipa kamrangko champenganiara mongsonggipa dakna nanggni kaman ong·a ine aganangenba, ia workshop-ko ong·atanichi songsalko nambatatna aro dedrangna namgipa dongchakani biapko ong·atna chanchirimani chol ong·enga ine parakataha.
Ia workshop-ko ong·atanio SWGH a·jani SP V Kumar-ba dongpae jinmana aganprakangengon, gisikni gita an·seng baljoke donganiko nangchongmotani gimin aganangenba, nokdango dedrangni neng·nikanirangko sandie namatna nangengani gimin janapangaha.
Ia tom·anio Ampati-ni Chief Judicial Magistrate NM Sangma-ba dongpae jinmana aganprakangengon, POCSO Act-ni ning·o drae til·ekgiparangna aro bilsi sokgija an·o donggiparangna mai dakgipa niamrangko donahachim, uarangni gimin agan-talate on·angskaaha.
Ia workshop-ko ong·atanio dongpae jinmana agan-talate on·anggipa gipin manderangara, Tura Civil Hospital-ni Psychiatrist Dr BS Sangma, Mental Health Program-ni District Surveillance Officer-cum-Nodal Officer Dr LCK Sangma, DCPO T Marak aro gipinrang ong·a.
Chadamberangni so·ote siani, bilsi sokgija an·o donganiko komiatna chanchirima
Date:
Share post:
