SHILLONG: Skanggipa Meghalaya International Film Festival-ko March 14 tarikoni March 18 tarikona Shillong songjinmani U Soso Tham Auditorium-o ong·atenga.
Ia skanggipa Meghalaya International Film Festival-ara Meghalaya Filmmakers’ Association (MeFilma)-ni a·bachengatenggipa ong·a, jean a·doko donggipa filmmaker ba jawilwat tarigiparangni Shillong-o register ka·gimin dol ong·a. Ia MeFilma dolko president Commander Shangpliang aro Meghalaya Tourism chalaienga aro iako Society Registration Act 1860-ni ning·o bimung segataha.
Ia Festival-o ge 65-na baten filmrang aro documentary-rangko salbongani gisepo mesokanggen.
Ia skanggipa changna ong·atenggipa Meghalaya International Film Festival-ko a·dokni Tourism aro Art & Culture-ni Minister, Paul Lyngdoh oprake on·anggen aro iano film industry-ni mingsinggipa Adil Hussain dingtangmanchagipa sokgipa ong·e bakko ra·anggen.
Ia manianio biap dambrio apsan somoio noksarangko mesokanggen aro ia Megh IFF-ona a·songni aro a·palrangoni dingtang dingtang manderang sak 5,000-na baten re·bae bakko ra·anggen ine ka·dongsoenga.
