SHILLONG: Khasi chief minister-na dabianiara kraani ong·ja ine Mongolbar salo, a·dokni Deputy Chief Minister Sniawbhalang Dhar parakatenba, manderangni jeko namnike seoke watataha uko mande ra·china gita didiangaha.
“Uamang Khasi chief minister-ko nangnikenga ong·ode Khasi-rangni dolchipakkosan seokchina aro uamang NPP aro UDP-onikoba seokna man·aia,” ine Dhar aganaha.
Nongkrem, Mawlai aro Sohryngkham gita dakgipa constituency-rangode Voice of the People’s Party (VPP) susaahani gimin NPP-ni candidate-rang adita neng·nikanirangko chagrongna nangaha ineba NPP-ni dilgipa aro Deputy CM parakataha.
Ia chang Meghalaya Assembly election-o skanggipa changna susagenchimoba VPP, seat dambrikode cheahachim aro Khasi Hills jolrangode iana bateba chena bang·jahachim.
Khasi Hills jolrango NPP-ni name dakjahani gimin sing·on, mikkangchi election-rango nambate dakna man·na gita da·o Assembly-ni session matchotahaon uamang NPP-ni gita iarangni bidingo name nipiltaigen ine Dhar parakataha.
Indake ong·genchimoba, Jaintia Hills aro Ri Bhoi a·jarangode NPP-ni result-na ua chu·ongnikaniko parakatskaaha.
