U·IATTIMGIPAONI
TURA: Da·o dipet Meghalaya a·dokni Deficit Pattern skulrango skigiparangna basic pay aro DA-mangmangkosan on·engkuani gimin Deficit Pattern-ni gadangkoba full fledged Deficit gadangona ra·doatchina ong·jaode gipin skigiparangna on·enggipa dingtang dingtang man·gnirangko on·skachina gita All Meghalaya Upper Primary and Secondary Deficit Pattern Teachers Association (AMUPSDPTA), a·dok sorkario dabiangaha.
Iani bidingo association-ni membor-rang, adita salrangna skangsan, a·dokni Chief Minister Conrad K Sangma-ko aro a·dokni Education Minister Rakkam A Sangma-ko gronge memorandum-koba on·angaha ine u·iataha.
AMUPSDPTA-ni president Sengbat G Marak-ni u·iatani gitade, Meghalaya a·doko damsku secondary aro dambri upper primary skulrangko man·chape gimik dam 13 deficit pattern skulrangsan dongaia aro ia dam 13 skulrangko 1993 bilsio deficit pattern system-ona ra·baahachim.
Ia skulrango kamko ka·enggipa manderang sak 127-san dongaia ine janapatengon, deficit pattern skulrango skie on·enggipa manderang da·o dipet basic pay baksana DA-kosan man·enga aro gipin skigiparangni man·enggipa hill allowance, medical allowance, house rent, advance increment for higher educational qualification aro gratuity-rangkode man·pajaenga ine association-ni president parakataha.
“Chinga deficit pattern skulrango skigiparangba gipin skigiparang gitan apsan kamko ka·paenggiparang ong·a aro indita bilsirangna kamko ka·ani ja·manoba chingna da·onan basic pay aro DA-kosan on·engkuani gimin deficit pattern-ko full fledged deficit system-ona ra·doatchina ba gipin skigiparangna on·enggipa dingtang dingtang man·gnirangko on·skachina chinga Chief Minister aro Education Minister-ko gronge mol·molaha,” ine Marak parakataha.