U·IATTIMGIPAONI
TURA: North Garo Hills a·jao niam gri chalaienggipa saw mill ba bol ratani karkana baksana niam gri an·cheng bikotenggipa quarry damsakoba Forest department chipe donataha.
Forest official-rangni u·iatani gitade, North Garo Hills a·jani Bajengdoba jolo donggipa Takurbella, Bolsong aro Aniaga songrango niam gri chalaienggipa saw mill-rangko Forest official-rang chipe donataha.
North Garo Hills a·jani Didram chiring jolrangoniko niam gri an·cheng bikotanikoba Forest department-ni manderang chipe donattokaha ine official-rang u·iataha.
Ia saw mill aro an·cheng bikotani quarry-rangko Range Forest Officer Laksrang R Sangma-ni dilanichi, Dainadubi aro Kharkutta Range office-o kam ka·enggiparang chipe donattokaha.
Photo: North Garo Hills a·jao niam gri chalaienggipa saw mill damsako Forest department-ni manderang chipe donatenga.
