SHILLONG: Congress dolni dilgipa aro MP Rahul Gandhi-ko Parliament-oni ra·galani gimin Mongolbar salo, Meghalaya Pradesh Congress Committee (MPCC)-ni membor-rang, Shillong songjinmao donggipa Congress Bhawan-o jegalanirangko dakangtokaha.
Ia jegalaniko Congress Legislators Party (CLP)-ni dilgipa Ronnie V Lyngdoh dilangaha aro iano Mawhati-ni MLA Charles Marngar, Umroi-ni MLA Celestine Lyngdoh, Gambegre-ni MLA Saleng A Sangma aro gipin dilgiparangba bakko ra·angtokaha.
Congress dolni dilgipa Rahul Gandhi-ko parliament-oniko ra·galani gimin jegalatengon, ian a·songni on·gimin bilo pangchake mandeni aganna man·aniko champenganisa ong·a ine CLP-ni dilgipa Ronnie V Lyngdoh, kobor ra·timgiparangna parakataha.
“Sorkarini kam ka·sretanirangni bidingo Rahul Gandhi-ni parliament-o ku·rang on·aniko champengna gitasa uamang uko ra·galaha. Ian a·songni on·gimin bilko pe·ani gita ong·enga,” ine Lyngdoh parakataha.
2019 bilsio a·songni Prime Minister-ni gimin agangipa kattarangni bidingo Surat-o donggipa kacharini rai on·ani ja·man, Wayanad-ni MP Rahul Gandhi-ko Parliament-o membor ong·aoniko ra·galatahachim ine nikna man·a.
Rahul Gandhi-ko ra·galani gimin Shillong-o Congress membor-rang jegala
Date:
Share post:
