TURA: Civic Action Program-ni bak gita Mongolbar salo, 120 Battalion (Bn) CRPF-ni sipairang, West Garo Hills a·jani ning·o donggipa Bhaitbari CHC aro Phulbari CHC-na ma·manti sanna banani bosturangko on·gilataha.
Ia bosturangko 120 Bn CRPF-ni Commandant Pramod Kumar Singh, Second-in-Command Anil Kumar Singh aro gipin officer-rang, ia health centre-rangna sualataha.
Ia CHC damgnio mai dakgpa bosturang chu·ongjaengachim, uarangko sandienba 120 Bn CRPF-ni sipairang on·gilataha.
Sanna bananio jakkalgipa ma·manti bosturang, jekaio Blood Pressure machine, weight machine, Haemoglobin testing machine, baby weight machine aro uandakgipa dingtang dingtang bosturangko 120 Bn CRPF-ni officer-rang, Bhaitbari aro Phulbari CHC-na on·gilataha.
Indake ong·engon, ia jolrangara a·song damgnini sima jolrang ong·e manderangna kenchakna nanggipa biap ong·ani gimin 120 Bn CRPF-ni dolsa sipairangko nirok sandina gita Bhaitbari-o donataha ineba CRPF official-rang parakataha.
