TURA: Bristibar salo, Tura Araimile-o donggipa St Mary’s School-ni gital Science Stream block-ko Tura-ni Auxiliary Bishop CJ Jose aro gipin dilgiparangni jakchi nokdonggae on·angaha.
Kobor on·ani gitade, St Mary’s School-o Science stream-ko 2019 bilsiosa a·bachengahaoba ia gital Science block-ko 2016 bilsion rikna a·bachengahachim.
2019 bilsioni St Mary’s School-o batch gittam chatro chatrirang da·o dipet MBOSE-ni Class 12 Science porikkako see pass ka·angtokaha ineba kobor on·aha.
Ia gital rikgipa Science block-o Science-ni ma·manti ostrorangkoba donjolahani gimin ian poraienggipa chatro chatrirangna namgni ong·gnok ine u·iataha.
