Shillong: Meghalaya-ni Governor Shri Phagu Chauhan mijalo Indira Gandhi National Open University (IGNOU)-ni 36-gipa convocation-ko IGNOU Regional Center Shillong, NEHU Campus-o ong·atanio bakko ra·angaha. IGNOU Headquarters, New Delhi mongsonggipa convocation-ko ong·atgipani bak gita dake Shillongo ia convocation-ko ong·ataha aro apsan somoion a·songni gimik dam 33 Regional Center-rango ong·ataha.
Convocation-o jinmana aganprakengon, Indiao uandake a·gilsako Open and Distance Learning (ODL) aro online education (OL) system-ko ra·dona daito ra·e kam ka·ani gimin Governor Phagu Chauhan, Indira Gandhi National Open University (IGNOU)-ko mittele aganaha. IGNOU, jekon a·gilsako dal·batsranggipa open University ine mingsingako man·a, jeon milliona 3-na batpilgipa chatro-chatrirang dingtang dingtang IGNOU programrango poraitokenga, indake Open & Distance mode ba bewalo Chubata gadango poraina sikgiparangna namgipa cholrangko on·enga ineba Governor agandapaha.
Unomitingo NEP 2020-ni nisako be·en pilatna gita rake kam ka·china gitaba Governor, didianiko on·aha.
Batanggimin April 1988 bilsioni a·bachengatgipa, IGNOU Regional Centre Shillong-o, da·o dipet Meghalayani ge 10 district-rangko man·chape gimik ge 21 Learner Support Service-rang donga. Ia bilsio gimikchi sak 1319 poraigiparangna Degrees/ Diplomas/ certificate-rang ia 36-gipa Convocation-o, Shillong Regional Centre-ni ning·o on·angaha.
