WILLIAMNAGAR: Williamnagar Civil Hospital-o kg 7 ong·gipa Ovarium tumor ba sa·tipni pariko doctor-rang rate galna man·aha ine kobor on·aha.
Koborko on·ani gitade, Williamnagar Civil Hospital-o skanggipa changna ia kg 7 ong·gipa sa·tipni pariko rate galna man·aha aro ia operation-ko Williamnagar Civil Hospital-ni gynaecologist Dr Vince Momin, anaesthesiologist Dr Conrad Sangma, anaesthesiologist Dr Dipali Sangma aro emoc Dr Mepalchi Sangma dakdilaha aro uamangna hospital-ni staff nurse-rang, chong·motan Eulyn Marak, John Marak aro Pringchi Marak dakchake on·aha.
Williamnagar-o iandake dal·begipa sa·tipni pariko rate galna man·aniara ia jolrango songdongenggipa manderangna namgipa koborko ra·baani gitaba ong·aha ine kobor on·timgiparang parakataha.
