TURA: Sukrobar salo, Tura-ni Don Bosco College-o ong·atanggipa National Seminar-o a·dokni Chief Minister Conrad K Sangma, mongsonggipa sokgipa ong·e bakko ra·angaha aro ia seminar-o a·dokni Education Minister Rakkam A Sangma-ba dongpae bakko ra·angaha.
Ia seminar-ko ong·atani a·songni dingtang dingtang biaprangoni skigiparang aro chatro chatrirang bakko ra·angtokaha aro an·tangtangni segimin lekkarangko mesokangaha.
Ia seminar-ko ong·atanio a·dokni Chief Minister, jinmana aganprakangengon, dingtang dingtang kamrangchi me·chikrangko mangrakbatatna gita sorkari, dingtangmancha program-ko a·bachengataha ine parakataha. Self help group (SHG)-rangni kamchi me·chikrang gipinrango pangchakna nangjana gita sorkari kamko ka·enga ineba Chief Minister aganaha.
Dambe me·chikrang, bilsi gittam watchangani gri bi·sarangko ba·engani a·sel aro mitam me·chikrangde bilsi 23-ni gisepo bi·sa sakbonga ba una bate ba·engani a·sel me·chikrangna kenchakna nangani ong·enga ineba ia tom·anio Sangma aganaha.
“Uni giminsa ma·giparangko an·seng baljoke rakkina gita sorkari, Safe Motherhood Program-ko a·bachengataha aro SHG-rango bak ong·anichi janggi tanganio cholina gita sorkari dingtangmancha program-ko a·bachengataha,” ine Chief Minister aganaha.
Meghalaya a·dokni songadam nokadamrango 95 percent-mangni gita me·chikrangde SHG-rango bak ong·paengaha ineba Chief Minister parakataha.
Ia seminar-ko ong·atanio a·dokni Education Minister Rakkam A Sangma-ba jinmana aganprakengon, dingtang dingtang kamni a·bao me·chikrangni on·gilani gimin janapangaha.
An·tangtangni neng·nikanirangko mikkangpae, songsalna on·gilangkuchina gitaba ua me·chikrangko didiangaha.
Don Bosco College-o ong·atanggipa National Seminar-ko CM bakko ra·anga
Date:
Share post:
