Shillong: A·dokni rural economy-ko dingtang bimangona ra·bana aro dingatna department bil gnanggipa ong·a ine Animal Husbandry and Veterinary Minister, Alexander Laloo Hek aganaha.
Sonibar salo ia bilsini World Veterinary Day-ko manianio Hek aganangaha, Veterinary doktor-rang uamangni u·ianiko aro technical ma·sianiko jakkal-angna man·gen aro iako a·dokni songadam biap-rango manderangna janggi tanganio dake cha·ani cholrangko ra·baani bidingo game ge·e cha·enggipani dake nie ma·sigimin baksa nang-dimatna man·gen ine Hek ku·pattiangaha.
Adita dake niani lesson-rangko game ge·e cha·enggiparangoniko uamang skie ra·angna jotton ka·na nanga ine chadambegipa veterinary doktor-rangni songjin-marango donge chanchia-niko galna Animal Husbandry and Veterinary Minister mol·molangaha.
“An·ching game ge·e cha·enggiparangni neng·-nikaniko ma·sichakna nangenga,” ine Animal Husbandry and Veterinary Minister aganaha.
Kam ka·ani altugipa bewalrangko ra·bana nangenga jedakode game ge·e cha·gipabatgiparang sorkari scheme-rang aro subsidy-rangko man·angna re·mikkangbagen ine ua gisiko nangbate aganangaha.
Uni parakatani gitade, bang·a game ge·e cha·giparangan sorkarini on·enggipa cholrangko ra·angna dakna nanggni ka·na nanggni kamrang bakrodugani a·sel sorkarini scheme-rang arp programme-rangko ra·e jakkalangna ba ra·angna sikgijani gisikrang donga.
“Uamangoni bang·an kratchaanirangko man·-enga,” ine Hek aganaha.
Department-ni a·gipi official-rang mongsonggipa
gadangrangko man·angna nangani bidingo agrepile dal·e ra·e chanchiangjachina Animal Husbandry and Veterinary Minister mol·molangaha.
“A·dokna dangdike on·angna mai gamchata uko kam ka·angna an·chingni nambatgipa kamrangko ka·angna. Nang·ni chokkio asonganide nang·ni gadang ong·ja. Indiba dakna nanggni kamrangan ong·a jekon nang·a chalaina nangenga,” ine ua agandapangaha.
