TURA: A·chikrangoni jawilwat tariana mingsing minggamako man·gipa aro dingtang dingtang award-rangko man·gipa Dominic Sangma-ko Cannes Film Festival 2023-oniko watchanggalani gimin Tura-ni Society of A·chik Film & Entertainment (SAFE) dol, suk ong·gijaniko parakataha.
Iani bidingo Information & Public Relations-ni Director-na sedoatengon, Dominic Sangma-ko Cannes Film Festival-oniko watchanggalaniara A·chik jatna aro a·dokni film industry-na namen gimaani ong·aha ine SAFE parakataha.
A·gilsak gimikni film industry-o Dominic Sangma-ba uni nambegipa kamrangna bang·en award-rangko man·ahachim ine nikna man·a.
Uni kan·dikgipa ‘Karyukai Inc.’ jawilwatko 2010 bilsio Munich, Kosovo aro Venice songjinmarango ong·atanggipa international film circuit-rango mesokahachim aro uni ‘Rong·kuchak’ jawilwatba 2014 bilsio ‘Best Student Film’-na National Award-ko man·e, dingtang dingtang national aro international film festival-rango mesokpilahachim.
Uni gital tarigipa ‘Rapture’ jawilwatba Cannes-o La Fabriqe section-na seokako man·ahachim aro ia jawilwat minggnian international producer-rangni dakchakanichi tarichenggipa Meghalaya a·dokni Tribal jawilwatrangba ong·aha.
Indake ong·engon, Dominic Sangma-ni bimingko Art & Culture Department aro Information & Public Relations-ni Director-ba recommend ka·atani ja·man bon·kamgipa somoio, Cannes Film Festival-ona watatna segimin delegate-rangoniko uni bimingko den·galpilahani gimin SAFE dol, suk ong·gijaniko parakatenba, iani bidingo aganchakaniko on·china dabiangaha.
“Dominic Sangma gita jawilwat tarigipa changgipa sapgipa manderangko an·chingni a·songo ra·dona nangchongmotenga aro gipin a·dokrangode ugita changgipa sapgipa manderangna cholrangko on·engachim. Da·alo Dominic Sangma gita dakgipa mandeko watchanggalanina chinga namen suk ong·jaha,” ine SAFE parakataha.
Dominic Sangma-ko Cannes Film Festival-oniko watchanggalanina SAFE suk ong·gijaniko paraka
Date:
Share post:
