SHILLONG: Job Reservation Policy-ni Roster system-ko mitam dolrang, mikkangchina nie tarichina aro mitam dolrang, batanggimin somoirangoni tarichina dabitokengon, Roster system-ko jakkalaniode mikkang ba janggilni katta dongja ine a·dokni Chief Minister Conrad K Sangma parakataha.
“Na·simang chu·gimikko name niatgenchimode roster system-ara da·oba ong·enggipa kamsa ong·a aro roster system-ode mikkangchina aro batanggimin somoiona ine aganani katta dongjawa. Iakon bang·bata manderang ma·sijaenga aro chinga iani bidingo manderangna chu·gimikkon dake mesokgen,” ine Chief Minister parakataha.
Chief Minister-ni parakatani gitade, ia roster system, tarigimin roster system-ni gitasa kamko ka·gen.
“Iani bidingo chinga a·doko songdongenggipa mande sakantinan talate on·ani ja·man roster system-ni kamko tale ma·sina man·gnok,” ine ua aganaha.
Iani bidingo talataniko on·angkuengon, “Batanggimin somoirango bangbang ong·e donggipa kamrangna ramram dake manderangko ra·aha indiba kamna manderangko ra·engon, kam dongani krisa ra·na nangachim. Iano pangchake chinga a·dokni manderangna talataniko on·anggen,” ine Sangma aganaha.
Iani bidingo department aro sorkari rakbee kamko ka·enga aro iani bidingo mande sakantina talate on·ahaon manderang iani bidingo talbate ma·sina man·gnok ineba Chief Minister parakataha.
