WILLIAMNAGAR: East Garo Hills a·jani Williamnagar-o PMGSY scheme-ni ning·o rikgipa Rongre dolong aro Chiminmin dolongrangni wing wall-rangko rikani kamrang namja ine Williamnagar-ni A·chik Organisation for Social Welfare (AOSW) matnangataha.
AOSW-ni parakatani gitade, PMGSY scheme-ara wachi-a·rak bainagipa rama jal·langrangko rike on·na gita ma·mong sorkarini ra·gatgipa scheme-sa ong·achim indiba ia dolongrangni wing wall-rangko rikanio, ia dolongko rikgipa contractor, a·dubekrangkosa cement bag-rango chipe pangchakna gita donaiahachim.
Indake ong·genchimoba, ja·mano jolni manderang badi ka·ahani gimin ia contractor, ia cement bag-rangko ra·galenba, iano dapgipa a·dubekrango ro·ongrangkosa tape donskaaha ine AOSW matnangatenba, da·o wachi sokbaahaode ia wing wall-ko pe·angna dikdiksaba nangjawa ine suk ong·gijaniko parakataha.
“2018 bilsioni 2022 bilsiona Williamnagar MLA Marcuise N Marak-ni tarigipa report card-o ia dolong damprakko rikanio gong kror 7 ong·aha ine mesokaha indiba kamrangko nigenchimode gong kror 7-ni Kaman kraja,” ine AOSW-ni general secretary Premiar Sangma parakataha.
Ia dolongrango pangchake janggi tangenggipa dam 15-na baten songrang donga aro ia songrango sak 5000-na baten donga ine janapatengon, ia dolongrang nosto ong·piltaina nangahaode ia songni manderang bang·a neng·nikanirangko man·na nangtokgnok ine AOSW parakataha.
Williamnagar dolongrango wing wall-rangko name rikja ine AOSW matnanga
Date:
Share post:
