SHILLONG: Job Reservation Policy (JRP)-ni bidingo VPP legislator Ardent Basaiawmoit-ni dakenggipa kamrangko A·chik Conscious Holistically Integrated Krima (ACHIK), tamasa dake roa gitasa niksrangaia ine parakataha.
Court-ni rai on·giminko saoba chu·ongnikjaode uko judiciary-o ra·bianiko dakena man·a, maina Indian democracy-o Judiciary-an law ba niamko bon·kame tik ka·e on·gipa ong·a ine ACHIK japattaiaha.
Bebegipa Ardent Miller Basaiawmoit, an·tangko duko ga·akenggipa ine ra·ode, ia Job Reservation Policy-ni bidingo changsanon Apex Court-o mikkang pa·na nanga, ACHIK aganaha.
Ra·gatgipa order ba policy-o saoba neng·nikani ba skimanio ga·akenga ine chanchiode, nana gri jatko nanggrikataniona sokatana batede, Apex Court-ona re·angna jakgitel ong·a ineba ACHIK aganaha.
Ia mamlara jat nanggrikaniba ong·ja aro jatko nanggrikataniba ong·ja, unigimin namana miksongmanchaode chubatgipa court-ona re·angna man·a ineba janapataha.
An·tango gipin cholrang dongeba, ua dakbingbange roengasa ine ACHIK, uamangni chanchianiko parakataha.
