SHILLONG: Re·anggipa March jarangonin Meghalaya a·doko load shedding ba bijoliko indita kontarangna kimitengoba bijolini bill-rang komigija skango gitan apsan ong·engani gimin Opposition dolni Chief Whip aro Gambegre constituency-ni Congress MLA Saleng A Sangma, a·dok sorkariko sing·doataha.
Ia sal somoirango a·doko bijoliko chu·onga gita man·jaengani gimin Shillong aro Tura-o konta 8-na aro gipin biaprangode konta 10-na salantian bijoliko kimitengachim ine nikna man·a.
Salantian bijoliko konta 8-oni konta 10-mang ong·pile bijoliko kimitengoba bijolini bill-rang komijaengani gimin sorkariko sing·doatengon, bill tarianiko name nipilchina gita Sangma didiataha.
Ia sal somoirango salantian bijoliko konta 10-mang ong·pile bijoli kimitengoba mitam nokdangrangde skangona bate bill-rangko man·soskaengachim ine kobor on·timgiparang u·iataha.
Meghalaya a·doko bijoliko chu·onga gita man·jaengani a·sel neng·nikanirangko man·enga aro manderangna chu·onga gita bijoliko on·na sorkari jottonde ka·engachim ine ku·chakatengon, konta 10-mang ong·pile bijoliko kimitoba maikai mitam nokdangrangde nangana batpile bill-rangko man·skaenga ine Opposition dolni Chief Whip sing·doataha.
Iani bidingo ta·raken kamrangko nirokatchina aro manderangoniko nangana bate bijolini kajinarangko ra·jachina gitaba ua Power department-ko didiataha.
“Da·ororo salantian konta 8-oni konta 10-mang ong·pile bijoliko kimitenga indiba mitam nokdangrangde nangana batpile bill-rangko man·soenga ine chinga koborko man·soaha. Manderang indinan bijoliko chu·onga gita man·jae neng·nikanirangko chagrongna nangengon, iandake bijoli bill-rangko skatang tarianiara namen kragijani ong·enga. Uni gimin iako ta·raken namatchina anga Power department-ko didienga,” ine Sangma parakataha.
Load shedding ka·oba bijolini bill komijani gimin Saleng sing·doa
Date:
Share post:
