SHILLONG: Re·anggipa Robibar walo, East Khasi Hills a·jani ning·o donggipa border outpost-ko songni manderang jinma chadrapeani ja·man, BSF-ni sipai sakgniko man·chape gimik sakbonga manderang saknaanirangko man·na nangaha ine official-rang parakataha.
Koborko on·ani gitade, ia a·sel ong·ani Robibar walni 10:00 bajimango, Dawki samba jolo donggipa Umsyiem songo ong·aha.
Sombar walo, ong·gija dakgipa manderang, BSF-ni sipairangko ro·ongrangchi aro bottle-rangchi goahani gimin ja·mano BSF-ni sipairangba bangbango gochakna gita nangaha ine kobor on·timgiparang parakataha.
BSF Meghalaya Frontier-ni Inspector General Pradip Kumar-ni talataniko on·atani gitade, Bangladesh a·songona palsrukatna miksongenggipa bang·bea bosturangko BSF-ni sipairang ia songoniko man·aha aro badingsrukatenggipa manderangkoba ma·siahani giminsa songni mitam manderang, BSF outpost-ko chadrapeaha aro uandaken ja·mano BSF sipairangba, ong·gija dakgipa manderangko bangbango gochakna nangao ga·akaha.