U·IATTIMGIPAONI
TURA: Re·baenggipa July-ni 15 tariko, West Garo Hills District Legal Services Authority (DLSA)-ni gita NALSA aro Government Welfare Scheme-rangni bidingo awareness program aro Mega Camp baksana Legal Aid Defence Counsel System-ko Gambegre C&RD Block-ni ning·o donggipa Somonpara-ni St Francis De Sales Secondary School-o a·bachengate on·anggen ine u·iataha.
Ia Mega Camp aro Awareness program-ko ong·atanio Health, Social Welfare, Agriculture, Horticulture, Fishery aro uandakgipa department-rang bakko ra·angenba, an·tangtangni jako ra·enggipa scheme-rangni gimin manderangna agan-talate on·anggen.
Ia Mega Camp-ko ong·atanio Health department-ni gita indin health check-up-ko ka·angan baksana an·chirangkoba porikka ra·e niangskagen ine u·iataha.
Ia program-ko pring 10:00 bajioni ong·atenga ine u·iatengon, ia program-ona re·bae, namgnirangko man·china gita jolo songdongenggipa manderangko DLSA didiataha.