TURA: Gasuapara-oni ADE, Chief Minister Conrad Sangma, Tura-ko Winter Capital songchina dabianiko chu·sokatchina mol·molate, batanggimin bilsi 1972 somoion Meghalaya a·dok man·chengaonin Garo Hills-na Winter Capital-ko on·na ku·rachakani dongachim, ine janapataha.
Beben Mini Secretariat dongnaba gnang, indiba development ba a·jolna namroro-silroroaniko ra·bana Winter Capital-ko dontelna nanggen, unosa Garo Hills-o songdongenggiparangni neng·nikarangko komikalgen. Tura-o jingjengatgipa dolrangni backlog policy aro Winter Capital-na dabianiko Chief Minister knachakna nanga, ine association aganaha.
Tura-o ACHIK, okumu chake jingjengata antisa gapjok, indakomangba da·onan Chief Minister Conrad Sangma, mamingkon agana dongjaenga, CM, an·tangan re·ange jingjengatgipa dolrangko gronge agangrikna nangachim, ineba association aganataha.
