Ampati: North Eastern Council Secretariat, National Institute for Micro, Small and Medium Enterprise (NI-MSME), Hyderabad baksa bakrime India sorkarini Micro, Small and Medium Enterprises Ministry-ni gita District Industries and District Industries Centres (DI & DIC)-o re-engineering ba study-o salsana workshop-ko ong·atangaha. Butbar salo Ampati-ni Multi Facility Centre-o workshop-ko ong·ataha.
Workshop-ko ong·atani miksonganiara North Eastern Region (NER) a·dokrangni DI & DICs-ko bilakatna aro India sorkarini dingtang dingtang scheme-rangko kra gita ra·gatna aro salgro salaram a·jolni economy-ko namdapatna ong·ataha. NEC aro NI-MSME Hyderabad, bakrime enterprise-ko namdapatna, kamko bikote on·na aro NER a·dokrangni economic-ko tang·doanio maidakgipa ra·bianirangko chagronga, iako sandina ba tale u·ina ra·na bakrimaha.
Workshop-ko ong·atangaon DICs aro directorate-ni organisational structure aro kam ka·ani bewalrangko niangaha.
A·jolo industrial development-ko ra·bana mongsonge kamko ka·enggipa stakeholder-rang workshop-ko tom·dakaha. DCIC official, entrepreneur, industry association, jolni educational institution-ni skigipa aro poraigiparang, banking sector-ni representative-rang bak ra·angtokaha.
Uandake workshop-o bak ra·giparangna NI-MSME Hyderabad-ni Project Director, aganprake on·angaha.
South West Garo Hills-ni DCIC General Manager DFR Marak, SBI South West Garo Hills-ni Lead District Manager Chandra Mushahari, SBI Garobadha-ni Branch Manager Keisham BK Singh, aro gipin official-rangba workshop-o bak ra·angtokaha.
