Shillong: Vice Chancellor Prabha Shankar Shukla-ni gita a·kangao National Education Policy 2020-ko chu·sokatna academic council ra·chakuja ine North Eastern Hills University Student’s Union (NEHUSU) Sonibar salo aganangaha.
Sonibar salo koborrangna parakatani gitade, NEHUSU finance secretary, Mandor Diengdoh Swer u·iataha, jeon NEHU baksa dingtang dingtang institution-rangni skie on·giparang aro principal-rang jemangan academic tom·anio NEP, 2020-ko re·baenggipa bilsioni ra·gatna nanga ine ku·pattiangaha.
Uni parakatani gitade, ia bilsion NEP 2020-ko ra·angna academic council-ni bang·batgipa membor-rangna VC-ni chakpaaniko man·jaenga.
NEP-ko chu·sokatna VC da·o skulrangni principal-rangona sokangenga, ine ua aganangaha.
“Indiba ian university-ni official body ong·aoni saksanchi academic council-ko chalaina man·ja,” ine NEHUSU finance secretary aganaha.
Education policy-ko skanggipa namgipa rika choaniko biapo donchengna nanganio iako ta·rake ta·gatangna nangni kattade dongjaenga, ine Swer ku·pattiangaha.
A·songo education-ni system-ko a·bachengatna nangpilanio ku·cholsan ong·e ma·siatna nanganio education system-ko ra·gatanni kosako uamang chakatja ine ua rongtalen aganangaha.
Uni parakatani gitade, a·doko skie on·giparang jemangan dingtangmanchagipa subject-ko skie on·gipa dongja. NEP-ko August jao ra·gatna bilongen ta·rake chanchigipa ong·a aro rika choniko dakna adita somoirangkoba nanga, ine ua aganangaha.
“Ia kattarang baksa ta·rake dakna Vice Chancellor-ni chanchia namjabatgipa ba kenbegnigipa ong·a,” ine Diengdoh agandapangaha.
National Eduction Policy 2020-ko academic council ra·chakuja: NEHUSU
Date:
Share post:
