SHILLONG: Re·anggipa Sombar attamo, Tura-o so·sojengjeng ong·aniara politics-ni gita didiani a·selsakon ine Bristibar salo, a·dokni Deputy Chief Minister Prestone Tynsong parakataha.
Tynsong-ni parakatani gitade, ia a·sel ong·anio jak donganina rim·ako man·gipa bang·bata manderangan badiaba political dolrango bak donggiparangsa ong·ani gimin ia so·sojengjeng ong·aniara politics-ni gita chanchisamsoe dakanisa ong·a ine ua chanchichipenga.
Ia a·selni bidingo bilakbate sandirokanirangko dakangkuchina gitaba ua Tura-ni police-rangko didiataha.
“Ia pilakan politics-ni kamrangsa ong·a aro badiaba political dolrangsa iako chanchisamsoe dakaha indiba anga iani bidingo aganchake dongna nangnikjaenga aro niamo pangchake dos dakgipa manderangni kosako sastirangko on·angchina anga didienga,” ine Tynsong aganaha.
Ian jatsa jatgipinni kosako ja·ku de·gipa kam ong·ja indiba badiaba political dolrangni so·sojengjeng ong·atna ja·ku de·anisan ong·aia ineba Deputy Chief Minister parakataha.
“Anga iani bidingo aganchae dongna sikja indiba ia a·selni bidingo sandirokanirangko dakchengchina aro ja·mano an·ching kakketko ma·sina man·aigen,” ine Tynsong aganaha.
So·sojengjeng ong·atanio jak donggipa manderangko ta·raken rim·ahani gimin Tura-ni police-rangko mittelpilangengon, mikkangchi iandakgipa a·selrangko champengna gita police-rang bilakbate ja·kurangko de·na nangenga ine Deputy Chief Minister parakataha.
Tura-o so·sojengjeng ong·aniara politics-ni gita didiani a·selsakon: Tynsong
Date:
Share post:
