Shillong: National Education Policy 2020-ni bilsi 3-gapaniko maniangengon, New Delhi-ni Bharat Mandapam, Pragati Maidan-o mijal Prime Minister Shri Narendra Modi ‘Akhil Bhartiya Shiksha Samagam’-ko oprakangaha.
Meghalaya sorkarini education department, Raj Bhavan Shillong-o ong·atgipako live stream ka·angaha, jeon Meghalaya Education Minister Shri Rakkam A. Sangma, Education Department-ni Adivisor Shri H.M Shangpliang, a·dok sorkarini a·gipi official-rang, Armed Force aro skul chatro chatrirangni dongpaanio mande ra·ako man·gipa Meghalaya a·dokni Governor Shri Phagu Chauhan bakko ra·angaha.
Program-ni bako, skul chatro chatrirangni aro DERT-ni kamrangko NEP 2020-o exbihition-o mesokanggipako Governor niangaha.
Akhil Bhartiya Shiksha Samagam-ko oprakani somoio Prime Minister, PM SHRI Scheme-ni ning·o fund-rangni skanggipa chamgipa tangka paisarangko watataha. Ia skulrangni chatro chatrirang dakchakaniko man·anggen jeon uamang bak ong·bagen, a·songko rikanio songdonggiparangna on·gilanggen aro biteko ong·katatgen, aro National Education Policy 2020-ni gita donggijagipaoniko ong·katatanio songsalna bang·a nama kamrangko ong·katatgen. India a·songni ming 12 ku·sikrangona pe·angipa education aro skill curruculum ki·taprangko Prime Minister-chi oprakjolangaha.
