TURA: Sonibar salo, South Garo Hills a·jani dolgittam NGO-rang, chong·motan Niksamso Garo Community Organisation (NGCO), Association for Democracy & Empowerment (ADE) aro A·chik Youth Welfare Organisation (AYWO) dolrang, a·dokni dingtang dingtang dilgiparangko grongenba, South Garo Hills a·jao nangchongmotenggipa kamrangni gimin memorandum-ko on·angaha.
Skanggipao, ia dolgittam NGO-ni dilgiparang, a·dokni Education Minister Rakkam A Sangma-ko grongenba, South Garo Hills a·jao galchipe donenggipa sorkari LP skulrangko ta·raken jako ra·enba taripile on·china gita mol·molangaha.
Ia dolgittam NGO-ni dilgiparang, a·dokni PHE Minister Marcuise N Marak-koba gronge Garo Hills-ni pilak biaprangon chu·onga gita chirangko on·china didiangaha.
Iani ja·man, dolgittam NGO-ni dilgiparang, a·dokni Power Minister AT Mondal-koba grongeaha aro South Garo Hills a·jao bijoliko nambate on·china gita didiangaha.
South Garo Hills a·jao da·o gita wachini somoirango bijoli sirongengani gimin manderangna maming neng·nikani gri bijoliko on·china gitaba ia dolgittam NGO-rang, Power Minister-ko didiangaha.
Indake ong·engon, ia dolgittam NGO-ni dilgiparang, Baghmara-ni MLA Kartus R Marak-koba grongaha aro Baghmara-o Taxation department-ko songe on·an baksana Baghmara Civil Hospital-ko namdapatchina gita didiangaha.
SGH-ni NGO-rang dingtang dingtang kamrangni bidingo dilgiparangko gronga
Date:
Share post:
