SHILLONG: Meghalaya High Court-ni gital Judge, Justice Biswadeep Bhattacharjee, Mongolbar salo ku·mikchetaha aro uni ku·mikchetaniko Meghalaya High Court-ni Chief Justice Sanjib Banerjee dilangaha.
High Court-oni u·iatani gitade, Justice Biswadeep Bhattacharjee-ba Meghalaya High Court-ni Judge ong·e jako ra·angani ja·man High Court-o judge-rang da·o sakbri gapaha.
Meghalaya High Court-ni gital Judge, Justice Biswadeep Bhattacharjee, 1968 bilsini March jao atchiahachim aro ua NEHU-o poraie graduate ong·ahachim. Ua 1993 bilsini September jao bar-o napenba advocate ong·e kamko ka·chengaha ine Meghalaya High Court u·iataha.
2018 bilsio ua Meghalaya a·dokni Additional Advocate General ong·e kamko ka·aha aro 2021 bilsio uko High Court-ni senior advocate-ona ra·doatahachim.
