TURA: Re·anggipa Mongolbar salo, West Garo Hills a·jani Phulbari police station-ni ning·o donggipa Jangrapara songoniko bilsi 12 ba 13 ong·gipa me·chik bi·sa saksani manggisiko man·aha ine police-rang kobor on·aha.
Ia manggisiko post mortem ka·enba police-rang, iani bidingo sandirokaniko dakna a·bachengataha ineba West Garo Hills a·jani SP VS Rathore parakataha.
Da·o dipet ia a·selni bidingo police-rang darangkoba rim·na man·kujaenga ine janapatengon, ia me·chik bi·sako drae til·ekenba so·ote galahakon ine police-rang chanchichipenga aro ia a·selo jak donggipa mandeni gimin police-rang nanga gita sakkirangko man·engaha ine SP parakataha.
Ia a·selni bidingo social media-rango tol·e jangbingbangatanirangko dakjachina didiatengon, ia a·selo jak donggipa mandeni gimin saoba maiba koborrangko man·genchimode Tura Police Control Room-ni Mobile nombor 8837423053-ona ka·e u·iatchina gita SP didiataha.