Tura: South West Garo Hills-o Mahendraganj joloni saksa chadambe, Mathematics-o top ka·enba a·jatangna mikkim rasongko ra·baaha. NEHU-ni parakatgipa result-o top ka·aha.
Al Amin Miah, SSLC examination ba porikkao 11-gipa rank-o aro HSSLC-Science, porikkao a·doko 3-gipa rank-o pass ka·baaha, indake ia changba ua university-ni porikkao 96%-ko man·e top ka·aha.
Miah, Kamarpara songoni ong·a, uni class 10th-ko Mahendraganj, Hari Shanti Niketan Vidyalaya-oni pass ka·aha. Teacher ba skigipani depante Amin-ni batch, school-o napchenggipa ong·a. Uni ja·man St Anthony’s HS School-o poraia matchote Shillong-ona college poraina re·baaha.
“Songoni chadambe ong·e chingo cholrang komibeachim indiomangba jotton ka·aniko dontongja. Ang ma·a-paa aro adagiparang ango bebera·ani donge pangnan angna dakchakronga. Indake anga poraiani somoio maming saloba somoiko nirongja. Jensalo an·tangni poraiani gimin name dake u·ie ra·a, unosa porainiko dontonga, ine Amin, aganaha.
Iarangni gisepon Amin, uni porikkao nambee chu·sokanina nokgipa mittelaha aro uni nokdangni manderangkoba una chakpaanina mittelaha.
“Angni ma·a-paa, pangnan ango ka·donga, indak euamang maming saloba angko maming kamna draa dongja, batesa uamangko angko poraichina didiaha. Ang ma·gipa saksa bilakgipa me·chikma ong·a, unonikon jedakgipa neng·nikarang sokoba warachakna skie ra·aha. Minggipin angni teacher ba skigiparangkoba anga mittelna sika.”
Amin, da·ode uni MSc-ko IISER, Bhopal Madhya Pradesh-o poraienga. Ian ma·mongni chalaigipa institute ong·a. Indake Amin, mikkangchi India ong·jaode gipin a·songo PhD-ko dakna miksongenga,
