SHILLONG: Porikka seenggipa chatro chatrirangna bus garirangko on·jaengani gimin Sonibar salo, North Eastern Hill University Students Union (NEHUSU)-ni membor-rang, NEHU-ni mongsonggipa gate ba cholgugako chipe donataha.
Chatro chatrirangna bus garirangko on·jaengani a·sel porikkarangko seenggipa chatro chatrirang re·ruraanirango neng·nikanirangko chagrongna nangtokengani gimin university-ona re·baenggipa pilak garirangkon champengsoskana gita NEHUSU-ni membor-rang, NEHU-ni mongsonggipa cholgugako chipe jingjengatskaaha.
Indake ong·genchimoba ja·mano, NEHU-ni Assistant Registrar (Admin-II) aro Transportation-ni in-charge Ivan Lyngdoh, NEHUSU-ni president-na chitti sedoatenba, Sonibar salo ong·atanggipa porikkako segipa chatro chatrirangna bus garirangko on·na man·jahani gimin kema bi·ataha.
Mikkang antionide weekend bus-rangko NEHU-ni chatro chatrirangna watpiltaignok aro nanga gita nirok sandianirangko on·gnok ineba NEHU-ni official, NEHUSU-na ku·rachakaniko on·ataha.
Uni iandake ku·rachakaniko man·ani ja·man NEHUSU-ni membor-rang, jingjengataniko dontongate, NEHU-ni gate-ko kulipiltaiaha.
NEHUSU-ni kobor ra·timgiparangna parakatani gitade, NEHU-ni weekend bus-rangko on·jaengani a·sel chatro chatrirang aro mongsongbate hostel-rango donge poraienggipa chatro chatrirang neng·nikanirangko chagrongna nangtokengachim.
Bus garirangko on·jaengani gimin chatro chatrirang NEHU-ni gate-ko chipa
Date:
Share post:
