SHILLONG: Manipur a·doko so·sojengjeng ong·enganichi Imphal songjinmani Central Agricultural University (CAU)-o poraienggipa chatro chatrirang neng·nikanirangko chagrongna nangtokengani gimin Imphal-ni CAU-o B.Sc Agriculture-ni 4th year-o poraienggipa chatro chatrirangna Meghalaya a·dokni CAU-o porikka sena gita cholrangko on·china a·dokni Chief Minister Conrad K Sangma, Sombar salo, Union Agriculture Minister Narendra Singh Tomar-ko New Delhi-o grongenba memorandum-ko on·angaha.
Iani bidingo Union Minister-na seachi mol·molatengon, Imphal-ni CAU-o B.Sc Agriculture-ni 4th year-o poraienggipa chatro chatrirang, Rural Agriculture Work Experience (RAWE) program-ko Kyrdemkulai-o donggipa CAU-o sena gita cholko on·china Sangma didiataha.
Manipur a·doko so·sojengjeng ong·anirang namkujaengon, Imphal-ni CAU-o poraienggipa chatro chatrirang, maming neng·nikani gri an·tangtangni poraianirangko dakna man·na gita a·dokni chatro chatrirangko Kyrdemkulai-o donggipa CAU campus-ona apjitbachina gitaba Sangma, Union Agriculture Minister-ko didiataha.
Agriculture & Farmers Welfare Ministry-ni gita Meghalaya a·dokna pilak nanga dakchakanirangko on·engani gimin a·dokni Chief Minister, Tomar-ko mittelpilangaha.
Manipur a·doko so·sojengjeng ong·engmiting somoirango maikai India sorkarini dakchakanichi, Meghalaya a·dokni manderangko a·dokrangona rimbapilna man·ahachim, uarangni giminba Union Minister-ko gronganio Sangma, agan-talate on·angaha.
Imphal CAU-o poraienggipa chatro chatrirangni bidingo Union Minister-na CM chitti seata
Date:
Share post: