U·IATTIMGIPAONI
SHILLONG: BSF-ni sipairang South Garo Hills aro East Jaintia Hills district Mehalaya sima ari jolrangoniko Bangladesh-ona watatnasigipa Phensedyl, liquor (chu) aro chinirangko ra·sekrikaha.
Kobor man·e BSF-ni 181 Battalion sipairang, Meghalaya police baksa bakrime kam ka·enba Bangladesh-ona watatna tarigipa ge 3,100 bottle Phynsedyl-ko (gusu sam) ra·sekna chu·sokaha. Jekon West Garo Hills-ni International border gita Bangladesh-ona watatna miksongachim. Indake ra·sekgimin bosturangko PS-Dobasipara-na pakwatataha.
Ge·gipin operation-o Sonapur-o dongipa BSF Mobile Check Post-o 172 Battalion dolrang ge 15 chu chipgipa carton, ge 32 bag-ni chiniko gatgipa bolgni Bolero Pickup gariko East Jaintia Hills-oniko ra·sekskaha. Gari salgipa sakgniko sing·sandion uamang nangchongmotgipa lekka (document) aro consignment-ni lekkarangko mesokna man·jaha. Uni gimin BSF dolrang, sakgni gari salgipako rim·aha aro gario salanggipa chu aro chinirangko ra·sekaha. Rim·a man·gipa aro ra·sekgipa bosturangko PS-Umkiang-na pakwatataha.