U·IATTIMGIPAONI
TURA: South Garo Hills-ni Budugre, Chokpot-oniko ro·ong bikotenganina A·chik Organization for Social Welfare (AOSW) Mongolbaro suk ong·gijaniko parakan buring bolgrimrangko nosto ka·engani gimin aroba Dareng chibima ka·machipakna gimaatanirangko ra·bagen ine matnangataha.
Indake ong·engon, Forest aro Wildlife dakgipa daito gnanggipa department-rang maina ro·ong bikotaniko dontongatjaenga, ma ro·ong bikotenggipa nokgipao nanggipa lekkarang dongama ma permit on·ama, organization sing·doaha.
South Garo Hills, ian bio-diversity-o man·e dange cha·gipa ong·a, jerangkon ripingna nangao ga·akenga ine aganan baksa buring bolgrimrang mikkangchi nosto ong·batangjana gita ta·rake champengatna kam ka·china, daito gnanggipa department-rangko aro administration-ko organization didiangaha.
