U·IATTIMGIPAONI
Shillong: A·doko bijolini obosta da·ode aditan namkalaha, Power Minister, Abu Taher Mondal mijalo aganaha.
“A·songgimikon ding·ani gimin neng·nikaniko man·tokenga aroba an·chingni songsul a·dokrangba apsan neng·nikaniko chagrongenga indiba an·chingan nambatenga aro obosta namkalahani gimin bijoli den·ako komiataha,” Mondal kobor ra·timgiparangna aganao aganaha.
Shillong songjinmao uamang kontagnisan bijoli den·aiaha, gipin a·jolrango konta gittamsan uamang load shedding-ko on·aiaha, ua aganaha.
Bijolini a·bako niroka namjani a·selo bilsi gittamna baten load shedding on·enganiko a·jolrang u·iangbataha, ua aganaha.
Indake ong·engon, mobile service-ko on·giparang bang·en mobile tower-rangni bijolini bill-rangko gama dongkujaenga, Power Minister aganaha.
Jeon mobile tower-rangko songaha ua tower-rangna bijoli billko on·china uamangko mol·moltaitaienga, ua aganaha.
“Mobile service on·giparang ru·uta somaina uamangni bill-rangko gamjaode uamangni bijoliko chinga den·na nanggen. Indiba mobile tower-rangna bijoliko watjaode mobile network-na neng·nikani ong·skagen indake chinga line den·a uamangna on·tisa somai on·a nanggen,” Mondal aganaha.
Man·a dipet ta·rake bill-rangko matchote gamchina uamang mobile tower nokgiparang baksa agangrikenga, ua aganaha.
Bill gamgijagiparangna ta·raken u·iatani lekkarangko sokatchina ua department-ko ge·etaha, uamang ta·rake kam ka·jaode mobile network-na neng·nikaniko man·gen, Power Minister u·iataha.
“Unigimin chingni bill-rangko niate chinga dolgnikon ra·chakna nangenga aro apsan somaio pilak mobile tower-rangko ta·rake den·a chinga nina nangaienga. Aroba mitam company-rang dongkuenggipa bill-rangko gamgija kate chakenga,” Mondal aganaha.
Sing·anina aganchakao ia neng·nikani a·dok gimikon ong·enga, ua aganaha.
Indake ong·engon, AN&TC noksa ong·ako komiatna uamang raken chanchienga, Power Minister aganaha.
Iani chanchianio department kamko ka·enga.
“Da·o ia bilsini tangka-paisamitingo Aggregate Technical aro Commercial (AT&C) noksan ong·anirangna chanchie nambatanganiko chinga nikenga. Chinga kam ka·enga aro national average-ko chu·sokatna chinga jotton ka·gen,” ua Garo Hills a·jolo dal·batgipa bako AT&C noksan ong·ani percentage-ko jaksi ote ua aganaha.
Bijoli jakkalgiparangni neng·nikaniko ritchengatna one tine settlement scheme-ko department ra·baenga. Bill gamjringani cholko dakna chinga ia ja·kuko de·enga,” Mondal
