U·IATTIMGIPAONI
SHILLONG: National Education Policy (NEP)-ko ra·gatani bidingo MCTA aro NEHU-ni gisepo meligrikgija bidingo dolgni Sombar salo agangrikangaha.
MCTA-ni general secretary Dr Air Peace Rani, meeting-ni gimin talatengon, indine aganaha, “MCTA aro VC gronggrikao July jani 12 tariko on·gipa notification-ni gimin agangrikangaha.”
Konta 3 somoina tom·anio technical aro academic-ni mamlarango agangrikangaha. Notification-ko academic council-ni gita official pass ka·a dongjani gimin Dr Rani janapangaha.
Iana aganchakengon Vice Chancellor, guala ba watchangani ra·chake, ia mamlako re·baenggipa Academic Council meeting-o chanchibewalgen, jekon October jani bon·angachibara ba November jani skanggipa anti dakarango tom·na tik ka·aniko, Rani, koborna u·iataha.
Tom·anio chanchirimgipa gnigipa point-ara NEP 2020-ko ra·gatao college-rang maidakgipa neng·nika ba ra·bianirangko chagronggen iani gimin chanchirimaha.
VC, uni kattao pangkime dongenba notification-ko ra·galna jechakaha, indake ong·engon MCTA, uamangni non-cooperation movement-ko mikkangchiba dakangkuna parakskaha.
Changgipingipa academic council meeting-ona chadamberangni skia poraiani maidakgipa obostao ong·gen iana jajrenge president BH Buam, course-ni niamrangni gimin suk ong·gijaniko parakaha.
“MCTA, student-rangni mikkangchi janggi tangani gimin chanchienga ine Buam aganaha.”