U·IATTIMGIPAONI
SHILLONG: Mawsynram constituency-ni gitcham MLA aro BJP-ni dilgipa Himalaya M Shangpliang Budbar salo, National People’s Party (NPP)-o napangaha.
Mawsynram-ni gitcham MLA-ko Meghalaya a·dokni Chief Minister aro NPP-ni national president Conrad K Sangma, Deputy Chief Minister aro NPP-ni national vice president Prestone Tynsong, Deputy Chief Minister Sniawbhalang Dhar aro NPP-ni dingtang dingtang dilgiparang, Shillong-ni NPP office-o rimchaksotokaha.
NPP-o napangani ja·man jinmana aganprakatengon, NPP-chi dilenggipa MDA sorkari, a·dokni chadamberangna aro game ge·e cha·giparangna cholrangko on·na gita bang·en program-rangko a·bachengatahani giminsa uaba NPP-o napna didianiko man·aha ine Shangpliang parakataha.
Ua an·tangna kam ka·enggipa Mawsynram-ni sak 3000 manderang baksa da·alo NPP-ona re·baaha ineba Shangpliang parakataha.
