U·IATTIMGIPAONI
NONGPOH: Ri Bhoi-ni Byrnihat jolo gipin jatrangni chalaigipa ge 46 dokanrangko trading licence dongjani gimin KHADC, chipataha.
KHADC-ni memborrang aro gipin official-rang CEM Pyniaid Sing Syiem-ni dilanio Byrnihat-ona tanggitik re·ange, gipin jatrangni chalaigipa dokanko ba dokan dakgiparangni trading license-ko sandiangaha.
Am·sandiao, pressure group, jekai KSU aro Hynniewtrep National Youth Front (HNYF)-ni memborrangba re·angpaha, indake gipin jatrangni chalagipa bang·a dokrangni license-ko sandiaon, licence donggijako nikna man·aha. Bang·a gipin jatrangan maming lekka ba license donggijaan dokan chalaitokengachim ine KHADC aganaha.
Uandake council-ni ja·ku de·ani gimin talataniko on·ataon, CEM, indine aganaha, “gipin jatrang jemangan niam gri ba license donggija dokanko chalaiengachim, uamangni dokanrangko chiptaha.
Indake CEM, daitoko jako ra·e kam ka·gipa official-rangko license donggija dokan chalaigiparangko chipatchina ge·etaha aro gimik business establishment-na dokan chalaina nanggipa lekka aro trading license-ko antisani gisepon mesokchina ba ra·china notice-ko watna ge·etaha.
Iarangni gisepon Byrnihat-oni Khanapara-ona bang·a gipin jatrangan trading licence gri dokanko chalaitokenga ineba aganaha.