U·IATTIMGIPAONI
AMPATI: Sombar salo, South West Garo Hills Samagre Shiksha Abhiyan (SSA)-ni District Mission Coordinator, World Literacy Day-ko maniangan baksana dingtangmancha enrolment drive-koba ong·atangaha.
Ia program-ko Ampati-ni Multi Facility Centre-o ong·atangaha aro ia program-ko ong·atanio South West Garo Hills a·jani Deputy Commissioner RP Marak, Additional Deputy Commissioner YW Momin, dingtang dingtang officer, songni nokma sanirang, skigiparang aro chatro chatrirangba bakko ra·angtokaha.
Official-rangni parakatani gitade, da·o dipet South West Garo Hills a·jao skulrango poraia dontonggipa chatro chatrirang gimik sak 139-mangni gita donga aro ia tom·anio dingtangmancha ia chatro chatrirangna Teaching-Learning Material (TLM)-rangkoba suale on·angjolaha.
Ia program-ko ong·atanio South West Garo Hills a·jani Deputy Commissioner RP Marak, jinmana aganprakangengon, mandena lekka porani gamchatani bidingo agan-talatanirangko on·angaha. Lekka porani gamchatani bidingo gipatna gita bakrimaniko on·china ua ma·a paarangkosan ong·aigija songo noko donggipa pilak manderangkon didiangaha.
Ia program-o gital biming segatgipa chatro chatrirangkoba ua janggi tanganio chu·sokgiparang ong·pana gita rake poraichina didiangaha.
Ia sal somoirango sorkari kamrangko ka·e cha·na gita cholrangko man·jaengahani gimin bading chiwalanirangko dake cha·na gita cholrangko nichinaba ua chatro chatrirangko didiangaha.