U·IATTIMGIPAONI
SHILLONG: Re·baenggipa 2024 bilsini Lok Sabha election-o Tura parliamentary constituency-oni susana gita Congress dolni candidate-ko da·o dipet chanchia dongkuja ine Opposition Congress dolni dilgipa Ronnie V Lyngdoh parakataha.
Lyngdoh-ni parakatani gitade, Shillong parliamentary constituency-nade da·o ong·enggipa Shillong-ni MP aro Meghalaya Pradesh Congress Committee (MPCC)-ni president Vincent H Pala-kon chanchie donmanaha indiba election-na skang, candidate-rangko seokanio uaba niamrangko ja·rikangkuna nanggen.
2019 bilsini Lok Sabha election-ode a·dokni gitcham Chief Minister aro da·o Trinamool Congress (TMC)-o napangskagipa Dr Mukul Sangma, Tura Lok Sabha constituency-o Congress dolni candidate ong·e susaahachim ine nikna man·a. Ua somoio Mukul Sangma, 240425 vote-rangko man·rikahachim indiba NPP-ni da·o MP ong·enggipa Agatha K Sangma, 304455 vote-rangko man·e Tura-ni MP-na seokako man·ahachim.
“Da·o dipet chinga Tura Parliamentary constituency-na candidate-ko chanchia dongkuja indiba somoi sokahaon chinga candidate-ko seokanggen. Shillong seat-nade da·o ong·enggipa MP aro MPCC-ni president Vincent H Pala-kon chinga chanchie donsomanaha indiba candidate-rangko seokanio uaba niamrangko ja·rikangkuna nanggen. Ia pilakan Congress high command-ni nangnikaniosa pangchakaigen,” ine Lyngdoh aganaha.
Indake ong·engon, India a·songo ‘One Nation One Election’ aro Uniform Civil Code (UCC) ra·gatna gita BJP-chi dilenggipa NDA sorkarini miksonganikoba Opposition dolni dilgipa raken jegalataha.
“Da·o Lok Sabha electin-na jasni jachetmangsan dongaiahaon maini gimin BJP, iako dakna miksongenga? Batanggimin bilsisku atani gisepo BJP sorkari, maming kamkon chu·sokatjahani giminsa da·o a·songni manderangko uamang cha·bokna jotton ka·enga,” ine Opposition Congress dolni dilgipa aganaha.
 |
ReplyForward
|