U·IATTIMGIPAONI
TURA: Re·anggipa Robibar attamchibara, West Garo Hills a·jani Anti Narcotics Task Force (ANTF) sipairang, mande sakgniko pekatgipa samrang baksa Tura-ni Rongkhon Songgital joloniko rim·na man·aha.
Police-rangni u·iatani gitade, sam badingenggipa manderang, Tura-ni Araimile jolo re·ruraenga ine koborko man·soani ja·man, ANTF-ni sipairang, ia manderangko am·sandiangon, ia mande sakgniko, ML-05X 5336 gario Rongkhon Songgital gopram sambaoniko man·eaha.
Rim·ako man·gipa mande sakgnini bimingrangara Jedin Ch Marak aro Sundar R Marak ong·a aro police-rang, uamangoniko am·sandion, rong 712 Pyeevon Spas Plus capsule-rangko man·aha.
