Monday, February 10, 2025
spot_img

Rikman Momin-ko M’laya-ni gital BJP president songa

Date:

Share post:

spot_img
spot_img

 

BJP-ko bilakbatatna kamko ka·angkugen ine gitcham president ku·rachaka

U·IATTIMGIPAONI

SHILLONG: Meghalaya a·dokni gitcham BJP president Ernest Mawrie-na dongimin term ba somoi bon·ahani gimin Rikman G Momin-ko BJP-ni gital state president songskaaha.

Momin-ko BJP-ni gital state president songani bidingo Sombar salo, BJP-ni national president Jagat Prakash Nadda parakataha aro ua da·o joljol an·tangni gital kamko jako ra·anggnok.

BJP-ni gital state president Rikman G Momin-na 2019 bilsini Lok Sabha election-o Tura Lok Sabha seat-na party tikitko on·ahachim indiba ua chu·sokgipa ong·na man·jahachim ine nikna man·a.

Garo Hills-oni BJP-ni state president songako man·chenggipaba Rikman Momin-an ong·aha.

BJP-ni gital state president-na Garo Hills-oniko songahani gimin janapatengon, “BJP-ara national party-sa ong·a aro da·o ua BJP Meghalaya-ni president ong·aha. BJP-ni state president ong·na gita Khasi Hills ba Garo Hills ba Jaintia Hills-oni ong·na nanga indake ong·ja aro jeba ia kamko jako ra·na man·aia. Momin BJP-ni gitcham dilgiparangoni saksa ong·a aro ua Meghalaya a·doko BJP-ko bilakbatatna kamko ka·anggen ine chinga ka·dongenga,” ine BJP-ni MLA aro Cabinet Minister AL Hek parakataha.

Indake ong·engon, uamang skangonin dolsan ong·e kamko ka·aha aro ua mikkangchiba Meghalaya a·doko BJP-ko bilakbatatna gita kamko ka·angkugen ine Meghalaya-ni gitcham state president Ernest Mawrie parakatskaaha.

“Dongimin somoi bon·ahaon chinga gital president-ko seokna BJP-ni niamo donga aro anga an·tangba a·doko BJP-ko bilakbatatna gita kamrangko ka·angkugen,” ine Mawrie aganaha.

President-ni kamna maini gimin election-ko ong·atrongja ine sing·anina aganchakaniko on·angskaengon, ia pilakan ma·mongo BJP-ko dilenggiparangni jakosa ong·aia aro uamang dilgiparangni niamrangkon ja·rikna nangaia ine Mawrie parakataha.

“BJP-o dilgiparangko seokengon, election-ko ong·atani aro songani niamrang donga aro da·o dipet chinga president-ni kamrangna nominate-sa ka·rongaia. 2020 bilsio angko president songani somoiode angbaksana AL Hek aro David Kharsati-ba president-ni kamna dongani gimin election-ko ong·ata gitasa ong·aha aro uno anga president-ni kamna seokako man·aha,” ine BJP-ni gitcham state president Ernest Mawrie aganaha.

Indake ong·engon, Lok Sabha election-na skangmangmang Mawrie-ko ra·gale, Meghalaya-ni gital president-ko songahani gimin BJP-ni bang·bata dilgiparangan aiao inmananiko parakattokaha.

spot_img
spot_img

Related articles

‘Make in India’ booster: Nothing to locally manufacture new smartphone series

New Delhi, Feb 10: Aligning with the government’s ‘Make in India’ initiative, London-based technology company Nothing on Monday...

Aero India 2025: Rajnath Singh calls for unity amid global challenges

Bengaluru, Feb 10: Defence Minister Rajnath Singh has urged like-minded nations to come together to address global uncertainties...

National Conference on Elderly Life and Human Rights Perspective begins at USTM

Guwahati, Feb 10: The Department of Social Work at the University of Science and Technology Meghalaya (USTM) today...

Hectic parleys on in Manipur to choose leader a day after CM Biren Singh quits

Imphal, Feb 10: A day after the resignation of Manipur Chief Minister N. Biren Singh, hectic parleys were...