U·IATTIMGIPAONI
SHILLONG: East Khasi Hills District Administration, gimik Durga Puja Committees-ko pujani somoio decoration-ni kamko ka·na gipin dingtang dingtang biaprangoni re·bagipa-rangko ba migrant labourer/workers -ni list-ko on·china ge·etaha. Hajira kamko ka·na re·bagiparangni list-ko EPIC/AADHAR card baksa D.C-na October jani 9 tarikna skang on·china ge·etaha.
Jolni vendors/labourer, priest, asst. priest ba pondit-rangni list-kode nangjawa.
Meghalaya CPC-ni sakgittam membor delegation, adita salrang skang-san Deputy Commissioner R.M Kurbah-ko gronge, CPC’s Emergent Extended Executive Committee Meeting-o ra·gatgipa resolution-ni gimin u·iate on·aha.
State Central Library-oni Chief Secretary resident point-ona 144 CRPC-ko ra·gatanio, DC talataniko on·ataon, Shillong-o niam-ritiko tom·tome rakkianio September 25 tariko 144 crpc-ko ra·gataha ine aganaha.
CPC/DPC-ni sakbri a·gipi official/memborrangko State Central Library-oni CS point-ona miteko galna de·angao ja·chi re·jomna cholko on·gen.
Central Puja Committee, gimik Durga Puja Committee-rangko uamangni memborrangko 24.10.2023- tariko mite galna de·angao niamko ja·rikchina ge·etna aganataha.
CPC delegation-ni mol·molani gita DC, gimik Nepali DPC-na October 21 tariko Phoolpati Yatra aro 22 tariko waljatchio Maha Kalratri Puja-na dingtang-mancha order-ko on·-skagen.
