U·IATTIMGIPAONI
Baghmara: State level mock exercise-na tarisoanio South Garo Hills, Baghmara DRDA Hall-o sorkari official-rangna ‘roles and responsibilities of Incident Response’-o trainingk-ko ong·atangaha.
District Disaster Management Officer, P Ch Marak, programo bakko ra·mitingo Incidents Response Mechanism-ni gimin ning·tue talate on·angaha, indake ia training-ara official-rangna uamangni dakna nanggni-rangko u·iate on·na ong·a. Disaster ba ong·telagipa a·sel ong·arango maidake kam ka·na nanga, iarangni gimin skie agane on·-angaha. Ong·telagipa a·sel ong·aon mandeni gamchata janggirang gimaako maidake komiatna man·gen aro disaster response mechanism -ko bilakatna miksonganio IRS-ko a·bachengna tik ka·aha ine Officer Marak, aganaha.
Iarangni gisepon Additional Deputy Commissioners Dr Challang Marak aro Tengchi Momin- uamang programo bakko ra·angaha.
