U·IATTIMGIPAONI
TURA: Akhil Bharatiya Vidyarthi Parishad (ABVP) Meghalaya Pa Togan Sangma Best Students Award 2023-ko Mongolbar salo, Tura-ni District Auditorium-o ong·atangaha.
Ia program-ko Tura-ni ABVP ong·ataha aro ia program-o Tura-ni MDC Bernard N Marak, mongsonggipa sokgipa ong·e bakko ra·angaha. Ia tom·anio, NEHU Tura Campus-ni ning·o donggipa Agribusiness Management Department-ni Teacher-in-charge aro Proctor Dr Gino A Sangma, ABVP-ni State Secretary Tengku M Marak, dingtang dingtang skul aro college-ni principal-rang, skigiparang aro chatro chatrirangba bakko ra·angaha.
Ia program-ko ong·atanio dingtang dingtang skulrangoni sak 50-na baten ia Pa Togan Sangma Best Student Award-ko man·aha.
Ia program-ko ong·atanio Tura-ni MDC Bernard Marak, jinmana aganprakangengon, ABVP-o napchina aro mikkangchiba iandakgipa award ba upattirangko man·na gita gisiko nange poraichina chatro chatrirangko didiangaha.
Ia tom·anio, SSLC aro HSSLC porikkarango teng·sugipa chatro chatrirangnaba dingtangmancha mande ra·pilskaaniko dakangaha.