Tuesday, February 27, 2024

Ia chang 100 Drums Wangala manianiko Jengjal-o ong·atskagen

Date:

Share post:

spot_img

 

U·IATTIMGIPAONI

TURA: Ganol chibimao hydel project-ni dam-ko rikahani a·sel Wangala A·dam Chibragre-ona tarianggipa dolongko da·o chi mripahani gimin re·baenggipa November 9 tarikoni 11 tarikona ong·atna sienggipa 100 Drums Wangala Festival ba Dama Bol 100-ko doke Wangala manianiko Jengjal-o donggipa Baljek Airport-ona apjitangskaaha.

Iani bidingo West Garo Hills a·jani Deputy Commissioner Jagdish Chelani, dingtang dingtang department-ni official-rang, Wangala Committee-ni membor-rang aro District Administration-ni official-rang baksa tom·e chanchirimangani ja·man, ia chang 100 Drums Wangala manianiko Baljek airport-o ong·atskana tik ka·angaha.

Koborko on·ani gitade, Wangala A·dam Chibragre-ona tarianggipa dolongko da·o metre-gni ong·e chi mripahani gimin Wangala manianiko ong·atani somoio manderangna re·a doanio neng·nikani ong·gen ine nikenba, ia chang 100 Drums Wangala manianiko Jengjal-ni Baljek Airport-o ong·atskana manchiangaha.

Indake ong·engon, 100 Drums Wangala maniana da·o antignisan dongaiahani gimin ia manianiko name sokachakna man·na gita West Garo Hills a·jani Deputy Commissioner Jagdish Chelani, Wangala committee-ni membor-rang baksa kamrangko ta·raken ka·na a·bachengengaha ine u·iataha.

Bilsi gimiko game ge·e man·gipa mi misina pattigipa ra·rongipa Misi Saljong-ko mittelpilani gita bilsiantian A·chikrang Wangala manianiko dakronga aro uandaken ia dama bol 100 doke Wangala manianiko batanggimin ru·uta bilsirangonin A·chikrang ku·cholsan ong·e manirongbaengachim.

Ia bilsioba ia 100 Drums Wangala manianiko ong·atanio, Contemporary Folk Song Competition ba A·chikrangni ring·anirang jekai Harara, Nanggorere, Do·rimitko Nikoba, Serejing Wal·jan, Sonatchi Boiar aro uandakgipa ring·susaanirangko ong·attaigen ine ka·dongsoenga.

Ia 100 Drums Wangala manianiko ong·atanio dingtang dingtang songrangoni gimik dol 10 Wangalgipa dolrang bak ra·angtaigen aro una agreba, gipin biaprangoni manderangba ia manianiona re·bae bakko ra·angtaigen ine ka·dongsona man·enga.

spot_img

Related articles

Shortage of MBOSE textbooks troubling parents and booksellers

Editor, The hardship that parents face in meeting their children's needs right after the school reopens isn't difficult to...

Courts under scanner

An efficient, incorruptible justice dispensation system is integral to the cause of good governance. Sadly, courts are today...

The Great Delusion: Meghalaya’s Quest for a $10 Billion Economy by 2028

By Napoleon S Mawphniang On February 21, 2024, Meghalaya Chief Minister, Conrad K Sangma, presented the state's budget for...

‘Dhaka has no record of Tirot Sing’s Jail term’

By Uma Purkayastha The news item in The Shillong Times of Feb 19, 2024 reported that the Bangladesh government...