U·IATTIMGIPAONI
SHILLONG: A·dok Sorkari mikkang academic session-onin Captian Willamson Sangma State University-ko a·bachenggnok.
“Department, mikka academic session-onin Captian Willamson Sangma State University-ko a·bachenggnok” ine Education Minister, Rakkam A Sangma aganaha.
“A·dokni skanggipa University-ko a·bachengatan bidingo, Sorkari adita on·dapani aro ku·pattianirang baksa A·dok Governor-ni namnikaniko man·aha. Sorkari man·a dipet seng·gnangan a·bachengatna nidingenga,” Minister aganaha.
Vice chancellor, registrar aro gipin staff-rangko rakkiani bidingo kam ka·na gita dolsa search committee-ko songgen, Sangma aganaha.
South West Garo Hills-ni Balalgreo gital rikgipa University building-ko re·anggipa January jao, Chief Minister Conrad Sangma nokdonggae on·aha.
Ge·sa full-fledged university ong·ani gimin, Common University Entrance Test (CUET)-ko a·dok gelna gita man·gen aroba North-Eastern Hill University (NEHU) baksa chaprimani palde, a·dokni college-rangko State University baksa chaprimatna chol ong·gen.