Wednesday, February 21, 2024

Baljek Airport-o chang 47-gipa 100 Drums Wangala manianiko a·bachengata

Date:

Share post:

spot_img

U·IATTIMGIPAONI

TURA: Chang 47-gipa 100 Drums Wangala Festival ba dama bol 100-ko doke Wangala manianiko Bristibar salni bako Jengjal-ni Baljek Airport-o a·bachengataha aro ia skanggipa salo Handloom & Handicraft Exhibition-ko a·bachengate on·angan baksana jatni kal·susaanirangkoba ong·atangaha.
100 Drums Wangala manianiko a·bachengatani somoio Garo Hills Autonomous District Council (GHADC)-ni Chief Executive Membor (CEM) Albinush R Marak, mongsonggipa sokgipa ong·e bakko ra·angaha aro unbaksa GHADC-ni Deputy CEM Nikman Ch Marak, GHADC Executive Membor-rang, chong·motan Nathawal S Marak, Heninson R Marak, Hundred Drums Wangala Festival Committee (HDWFC)-ni dilgiparang aro gipinrangba dongpae bak ra·angaha.
Ia 100 Drums Wangala manianiko a·bachengatani somoio GHADC-ni CEM, jinmana aganprakangengon, ia chang 47-gipa 100 Drums Wangala manianiko ong·atna rakbee kamrangko ka·ahani gimin committee-ni membor-rangko mittelpilangaha.
Pagitcham ma·gitchamrangni a·bachengatgipa ia dakbewalko ripinge rakkiangkuchina gita didiangengon, jatni dakbewal rikbewalrang gimajana gita iandakgipa manianirangko committee-san ong·aigija jat gimikan ripingna nanga ine Marak didiangaha.
Ia Wangala manianiko a·bachengatanio 100 Drums Wangala Festival Committee-ni chairman Ronald Rikman Sangma-ba jinmana aganprakangengon, Ganol chibimao hydel project-ni dam-ko rikahani a·sel Wangala A·dam Chibragre-ona tarianggipa dolongko da·o chi mripahani gimin ia chang 47-gipa 100 Drums Wangala Festival ba Dama Bol 100-ko doke Wangala manianiko Jengjal-o donggipa Baljek Airport-o sokachakskana nangaha ine talate on·angaha.
Ia 100 Drums Wangala manianiko a·bachengatanio Handloom & Handicraft Exhibition-koba GHADC-ni CEM, do·ga oe on·angjolaha.
Ia 100 Drums Wangala manianiko a·bachengatani salo, Jakpong Pe·a, Rong·ma Chilsusaa, Rong·ma Gosusaa, Wa·pong Sika, An·ding Oka aro uandakgipa jatni dingtang dingtang kal·susaanirangkoba ong·atangaha.
Ia skanggipa salo, dingtangmancha budu salgrikanikoba ong·atangaha, jeon skanggipa boksisko Mitela Group aro gnigipa boksisko Rongkhon dol cheangaha.
Ia chang 47-gipa 100 Drums Wangala manianiko a·bachengatani salo, Tura Government College-ni chatro chatrirang aro Assam-o donggipa Garo Cultural Forum-ni gitaba Wangala chroke mesokangaha.

spot_img

Related articles

Tendulkar’s Kashmir visit to boost local crafts, bat industry

Srinagar, Feb 21: Shah Rafi owns the Art & Craft Bazaar at Dhobiwan in Kunzar village on Gulmarg-Srinagar...

Higher secondary exams begin in violence-hit Manipur

Imphal, Feb 21:  Amid the ongoing ethnic violence in Manipur, Higher Secondary School Leaving Certificate (HSSLC) Examinations began...

Conrad presents Rs 2029 crore deficit budget for 2024-25

Shillong, Feb 21: Meghalaya Chief Minister Conrad K Sangma on Wednesday presented the budget for 2024-25 with a...

Williamson Sangma University to start first academic session in 2025-26

Shillong, Feb 21: The Captain Williamson Sangma State University (CWSSU) will take some more time before it opens...